Tîma Qesasî ya Şehîd Alî Tolhildanî ya YPSyî pare kerd ke 27ê tebaxe de Dîlok de înan çawişo pispor Turgay Kulcu ceza kerdo.

YPSyî derheqê babete de nê agahîyî dayî:

''27ê tebaxa 2022yî de Parka Yuzuncuyî ya taxa Akyolî ya qezaya Şahînbeylî ya Dîlokî de çawişo pispor Turgay Kulcu hetê tîmanê ma yê qesasî yê Şehîd Alî Tolhildanî ra ame cezakerdene.

Na çalakîye seba qesasê Burhan Altintaşî ameye kerdene ke 27 serran ra dima 2019 de esteyê ci zereyê yew kutuye de teslîmê dadîya ci ameyî kerdene, seba Agîd Îpeko ke cenazaya ci pê rayîrê kargoyî 10ê nîsana 2021î de erşawîyaye û seba qesasê Hakan Arslano ke esteyî ci 7 serran ra dima zereyê yew tewreyî de dîyayî babîyê ci, ameye kerdene.

Heta ke Rayberê ma azad bibo û o ma rê vajo 'vinderê' ma do çalakîyanê xo yê qesasî rê dewam bikerê. Dewleta tirke nê şerî de erjanê merdimîye binpay kena û bi nê hawayî pêro dinya rê binkewtişê xo zî îlan kena. Hînî pêro dinya zanena ke kurdî nê şerî de heqdar ê. Ma bi wesîleya na çalakîye venga şarê kurdî, şaranê Tirkîya û şorişgêran danê ke serkêşîua Hemleya Serkewtişî ya Serra 50. ya YPSyî de xo rêxistin bikerê, qesasê tarîxî bigêrê, faşîzmî birijnê û komelê azadî awan bikerê.''