Koordînasyonê YPS-YPS JIN serrgêra 7. ya şehadetê Zeryane Denîz a ke xoverdayîşê xoîdarekerdişî  de şehîde bîye, eşkerayîye daye û nê pare kerdî:

“Şarê kurdo ke estbîyayîşê ci çîn hesibîyeno, azadîya ci destê ci ra ameya girewtene, serkêşîya Rayber Apoyî de pancas serranî ra zafêr o ke şerê azadîye rayra beno. No şerê pawitişê estbîyayîşî û azadbîyayîşî yo. Dewleta tirka faşîste roja ronayîşê xo ra vera kurdan sîyasetê îmha û înkarî rayra bena. Dewleta faşîste  kena ke bi qirkerdişan şarê ma rê çok bido dayene. 2014 de bi planê çokdayîşî konsepto newe kewt dewre. Rejîmê AKP-MHPYî çarçeweya nê konseptî de hêrişê Kurdîstanî kerd ke hêrişo winayên hema tarîxî de nêameyo vînayene. Xoverdayîşê Zeryayayan û Çîyageran nê planê çokdayîşî pûç kerdî.

2014-2015 de bi xoverdayîşê tarîxîyî yê xoîdarekerdişî vera nê hêrişan bi seyan ciwananê qehremanan yê Kurdîstanî xoverdayîşo biheybet da destpêkerdene. Cizîre, Sûr, Nisêbîn, Şirnex, Hezex û Gever de cinî, ciwan û extîyarî hewtî ra heta hewtayî şarê ma mîyanê xoverdayîş de ca girewt û wayîrê erjanê o vejîya. No xoverdayîşo ke ciwananê kurdan vera nê hêrişî da, semedê dewlata tirke bi sendromêk. Xoverdayîşê fermandaranê efsaneyen serkêşê şarî zî vetê werte. Şehîdê ma yê sey Zeryane, Çîyager, Nucane, Axîne,Xebatkar, Berfîne, Mehmet Tunç, Asya û xeylêk şehîdê bînî yê xoverdayîşî yê ke xoverdayîşê xoîdarekerdişî de bîyî fedayîyî, bîyî abîdeyê xoverdayîşî û nameyê xo tarîx de bi herfanê zerdan nuşt.

Nê qehremanan ra yew zî Fermandare Zeryane Denîz Amed a. Hemra Zeryana ke wextê xoverdayîşê xoîdarekerdişî de fermadarîya YPSyî ya Şirnexî de cagirewtêne bi xoverdayîşê xo zerrîya şarê Şirnexî de cayo gird girewt. Fermandare Zeryane heta hela peyêne şîye dişmenî ser her mewzî açarnaye kelayêke. Bi vengê tilîlîyanê xo hêz dayênê xoverdayîşî û ters û xof fînayêne zerrîya dişmenî. Hemra Zeryane bi vindertişê xo yê fedayî Apoyî roja ma rê mîrasê xoverdayîşêkê girdî verda. Hemra Zeryana ke ronayîşê YPS JIN û vejîyayîşê ruhê xopawitişî de rolo gird kay kerd, rayîrê serkewtişî akerd. Ma do sey hemrayanê aye rêçê ci de rayra şirê û têkoşînî biresnê serkewtişî. Ma soz danê ke ma do qesasê hemra Zeryane Denîz û heme şehîdanê xoverdayîşê xoîdarekerdişî bigêrê.”