Yewîya Çepamenîya Azade (YRD) bi eşkerayîyêke Karwan Horamî yad kerd.

Eşkerayîye de dîya zanayene ke Karwan Horamî bi rayîrê MED TV, Roj TV ûsn. fikrê Rayberê Şarê Kurdî Abdullah Ocalanî şinasnayê û 2008 de tewrê têkoşînê azadîye bîyo. YRDyî pare kerd ke tewrbîyayîşê Horamîyî ra dima xeylêk ciwanê Rojhelatê Kurdîstanî tewrê gerîlayan bîyê.

Eşkerayîye de wina ame vatene: ''Embaz Karwanî xeylêk waranê çapemenîya azade de karî kerdî, têkoşîn kerd û erkî ardî ca. Ey qetî nêweşîyê xo sey astengîye nêdîyî û 15 serran bi ruhê şorişgêrî yê Apogîrî xebatê çapemenîye kerdî. Embaz Karwan Horamî rêçê Mazlûm Dogan, Gurbetellîye Ersoz, Nûjiyane Erhan, Denîze Firat, Kasim Engîn, Sirwan Nalî, Dozdar Hemo û pêr şehîdanê çapemenîye de bi u o zî bi raywananê raştîye ra yew.

Nê prosesê şerî de şehadetê ey seba çapemenîya azade û şarê Kurdîstanî dejêko pîl bîyo. Ma sey YRDyî keyeyê embaz Karwanî, şarê ma yê welatperwerî, Rayber Apoyî û kedkaranê çapemenîya azade rê serweşîye wazenê. Ma venga pêro kesan danê ke seba vîrameyîşê embaz Karwanî wayîrê erjanê şehîdan vejîyê.

Ma soz danê ke têkoşînê embaz Karwanî pîlêr bikerê, şorişê 'Jin, Jiyan, Azadî' bi serkewtişî tacîdar bikerê û bibê veng û rengê çapemenîya azade.''