Fermandarîya Yewîyanê Pawitişî yê Rojhelatê Kurdîstanî (YRK)  eşkera kerd ke hêrişê îşxalî yê dewleta tirke de 14ê temmuze de 3 embazê înan şehîd bîyî.

Eşkerayîye de wina ame vatene: ''Dewleta tirke ya îşxalkere 2024 de bi îxanetê Barzanîyan herêma Metîna de hêrişê îşxalî yo hîra da destpêkerdene. Tewr peynî de 3ê temmuze de vera herêmanê Metîna, Sergele, Amedîyê, Dêraluk û Şêladize hêrişê xo resnayî merhaleya newî. Bitaybetî di serranê peyênan de bi hêrişanê vera Metîna herêmanê hêzanê ma de teyarayanê keşîfî dest pê gêrayîşî kerd.  Hêrişanê vera herême de bax û bexçeyê şarî vêşayî, xoza Kurdîstanî ameye texrîbkerdene û cografyaya ma ameye talankerdene.

Rojanê peyênan de herêma Pênciwênî de teyarayê keşîfî gêrayî. 14ê temmuze de teyarayenê şerî herême daye bombayan ver. Netîceya hêrişî de hemrayê ma Hidayet Resûlî (Cengawer Mikayîl), Îrfan Zendî (Raman Renas) û Omer Firat (Andok Tolhildan) şehîd bîyî. Ma sere de keyeyanê şehîdanê xo yê qehremanan rê û heme şarê welatperwerî yê Kurdîstanî rê serweşîye wazenê. Ma soz danê ke ma do têkoşînê şehîdan ser bifînê.''