Yewinanê Pawitişê Rojhelatê Kurdîstanî (YRK) da zanayene ke 2 gerîlayê înan şehîd bîyê û nasnameyê înan eşkera kerdî.

YRKyî vat: ''Embazê ma Kemal Hewramî û Têkoşer Çilçeme 11ê çeleyê 2023yî de serê erkê xo de raştê dafika tay hemkaran ameyî. Embazê ma Kemal Hewramî û Têkoşer Çilçeme nê komployî de mîyanê wesayîtî de raştê hêrişî ameyî û şehîd bîyî. Şertanê zimistanî ra semed ma erey şehadetê embazê xo eşkera kerdî; coka ma şarê xo ra uzrê xo wazenê. Ma pê şehadetê embazanê xo qehirîyayî. Hêrsê ma zî vera xayînan û rejîmî bîyî tûj. Ma reyna soz danê şehîdanê xo ke heta ke armancanê înan bîyarê ca, têkoşînî rê dewam bikerê.

Nasnameyê wird embazanê ma wina yê:

Name û Peyname: Babek Rahmetî

Nameyê Qodî: Kemal Hewramî

Ca û Tarîxê Tewrbîyayîşî: Hewreman – 27.04.2016

Ca û Tarîxê Şehadetî: Mukuryan – 11.01.2023

Name û Peyname: Sîna Muradî

Nameyê Qodî: Têkoşer Çilçeme

Ca û Tarîxê Tewrbîyayîşî: 29.09.2017 – Çilçeme

Ca û Tarîxê Şehadetî: Mukuryan – 11.01.2023