Zîndanê Wanî de roja 27. de û Zîndanê Beşîkduzuyî de roja 44. de grevê vêşanîye yê tepişteyan vera binpaykerdişê heqan dewam kenê.

Zîndanê Beşîkduzuyî yê Trabzonî de 19ê tebaxe de tepişte Mahsun Bîlemo le 27 serrî yo tepişte yo, pê telefonî keyeyê xo de qisey kerd û da zanayene ke ê grevî rê dewam kenê.

Dadîya Bîlemî Hasîbe Bîlem derheqê babete de agahîyî dayî û vat: ''Lajê mi reya verêne ma rê qala kerdişanê xiraban ê zîndanî keno. Ne nano sihetîn dîyeno înan ne zî şertê zîndanî goreyê weşan ê. Tepişteyan îdareyê zîndanî de qisey kerdo. La îdareyî înan rê vato ke seba ke xele est o coka tim nan nêdîyeno înan.''

Bîleme waşt ke wa waştişê tepişteyan cade bêrê caardene.

Waştişê tepişteyan wina yê:

''Wa waştişnameyî nêrê destserkerdene, kitabî bêrê dayene,  polîtîkayê vera weşananê kudkî bêrê wedaritene, tepişteyê nêweşî bêrê veradayene, ferzkerdişê cigêrayîşê rûtî bêro wedaritene, tedbîrê vera Korona bigêrîyê û dermanî bêrê dayene, werdî wa weş, qîm û sihetînî bibê, destûr bêro dayene aktîvîteyan û îdareyî û gardîyanî wa peynîya kerdişanê xo yê keyfîyan bîyarê.''