Dewleta tirke Kobanê de reyna sîvîlî qetil kerdî

Dewleta tirke ya îşxalkere reyna Kobanê de da wesayîtê sîvîlan ro. Netîceya hêrişî de hîrê sîvîlî şehîd bîyî.

Goreyê xebera Ajansê Xeberan ê Hawarî (ANHA) artêşa tirke ya îşxalkere mabênê Kobanê û Helebî de pê SÎHAyan da wesayîtêkê sîvîlî ro. Netîceya hêrişî de hîrê sîvîlî şehîd bîyî.

Derheqê nasnameyê şehîdan de hema eşkerayîye nêdîyaye. Roja çarşeme zî hêrişê vera wesayîtê sîvîlî de di kesan dinyaya xo bedilnaye û çar kesî zî birîndar bibî.