Fermandarîya Pêroyî ya Meclîsê Leşkerî yê Suryanîyan derheqê hêrişê artêşa tirke ya îşxalkere yo ke vizêr vera dewanê Til Temirî ame kerdene de eşkerayîye daye û nê pare kerdî:

''Hemwelatîyê suryanî-asûrîyan seba ke herra ci ya Sûrîya terorî ra bêro pakerdene pîya bi şîrîkanê xo têgêrayî û vera rêxitina terorî DAÎŞî şer kerd. Reqa û Baxoz de bêteredutî şer ked herêmî çeteyan ra pak kerde. Şerwanê Meclîsê Leşkerî yê Suryanîyan sereyê şerî ra semedê pawitişê destkewteyanê şar û şehîdanê xo cepheyanê tewr verênan de şer kenê. Hêrişê dewleta tirke û çeteyanê ci yê vera herême dî prosesê peyênî de hemwelatî û leşkerî şehadetî qewimîyayî. Di şervanê ma zî şehîd bîyî.

Dewleta tirke pêkerdişanê mîyanneteweyî binpay kena. Her roje cepheyê sînorî yenê bombardumankerdene. Şar yeno qetilkerdene û xesarî vejîyenê meydan. Bi hezaran kesan erdê xo ra bar kerdo. Ma sey Meclîsê Leşkerî yê Suryanîyan soz danê ke ma şarê xo bipawê û destur mede şar zafrê qirkerdişan bikero.

Netîceya hêrişê artêşa tirke yê vera dewa Dirdara û Qibor Qerecine de şerwanê  Meclîsê Leşkerî yê Suryanîyan Yûsiv Muhsin Mitras û Radî Mizel Osman şehîd bîyî.''