Bado ke Zîndanê Sinaa yê Hesekê hetê Hêzanê QSD û Asayîşî ra gerîya binê kontrolî zîndan de operasyonê cigêrayîşî dest pêkerd. Operasyon roja dîyine de dewam keno.

Hêzanê Asayîşê Zereyî taxanê bînan ê Hesekê de zî operasyon da destpêkerdene. Operasyonê pakkerdişê çeteyanê DAÎŞî taxanê Xiwêran û Zihûrî de dewam kenê. Operasyonan de xeylêk çekî ameyî destfînayene.

QSDyî dabi zanayene ke 26ê çeleyî de Zîndanê Sinaa gerîyayo binê kontrolî û nizdê 3 hezar û 500 çeteyê DAÎŞî teslîm bîyî. Bi seyan domananê ke DAÎŞî perwerde kerdî zî ameyî berdeneê merkezanê rehabîlîtasyonî yê cîya cîyayan ê Hesekê. Domanî sey tepişteyan nê semedê rehabîlîtasyonî yenê tepiştene û veng dîya heme welatan ke wa wayîrê hemwelatîyanê xo vejîyê.

Endama Fermandarîya Pêroyî ya QSDyî û fermandaranê ke operasyonî rayra benê ra Newroze Ehmeda ke Ajansê Mezopotamya rê qisey kerd vat: ''Zîndanê Sinaa de çeteyê DAÎŞî yê bayeberzî estê. Coka no zîndan semedê çeteyan muhîm o. Wextê nê hêrişî û vatişê 'ma do bi stratejîyêka newî hêriş bikerê' yê Erdoganî manîdar o. Nê hêrişî raşta zî zaf hîra bi û sey hêrişanê verênan nêbî. Hêrişî teberî ra rêxistinekerdene ameybî organîzkerdene. Pîya bi grûbanê ke binê kotrolê Tirkîya de yê tay grûbî Iraq û Sûrîye ra ameyî û înan pêro pîya dest pê hêrişî kerd. Çeteyê ke teslîm bîyî înan zî îtîraf ked ke herêmê ke binê kontrolê Tirkîya de ra ameyî. Gama ke ma vera hêrişî xover dayêne baldar o ke dewleta tirke hêrişê ma kerdêne. Cipersayîşanê ma de do heme raştîye vejîyê meydan.''

Endamê Buroyê Sîyasîyî yê Yewîya Welatperweranê Kurdîstanî (YNK) Arêz Abdullahî zî serkewtişê QSDyî yê Hesekê yê vera çeteyanê DAÎŞî fîraz kerd.