Merdimê tepişteyan seba ke bale biancê rewşa tepişteyanê nêweşan û tepişteyê ke rixmo ke cezaya înan qedîyaya nînê veradayene ser 74 rojî yo Amed Nobeta Edaletî tepişenî.

Merdimanê tepişteyan ra Incî Guler ard ziwan ke qicê înan gangeş de yê coka   ê wazenê tim qicê înan rojdem de bimanê ke bêrê wayîrvejîyayene û xelisnayene. Gulere bale ante rewşa xirabe ya zîndanan ser û vat: ''Veng bidê vengê ma ke wa ewledê ma bêrê xelisnayene.''

Hakî Boltanî zî ard ziwan ke waştişê înan zaf merdimîye yê û vat: ''Ma wazenê heme tepişteyê nêweşî bêrê veradayene. Nêweşê zaf giranî estê. Ê nêeşkenê têna xoser mikatê xo bî. Ganî ê cade bêrê veradayene. Tepişteyê ke 30 serrî yo zîndan de yê wextê tehlîyeya înan de înfazê înan yenê vêşnayene. Heta caardişê edaletî do çalakîya ma dewam bikero. Wa heme merdimê tepişteyan vengê ma bieşnawê û tewrê çalakîye bibê. Ma reyna veng danê heme dezgehanê sîyasî  û sîvîlan vengê bidê vengê ma. Waştişê edaletî têna semedê qicanê ma nê semedê heme merdimîye yo. Ma do qicanê xo zîndanî ra vejê û edaletî bîyarê.''