Amed e bi şîarê  ''Dem Demê serkewtişî yo'' adirê Newroze yo verên ê emserî ame tafînayene. Aktîvîteya ke hetê Komîteya Amadekerdişê Newroza Amedî ra ameye organîzekerdene qezaya Peyasî de ameye kerdene. Şayî beçeyê banê HDPyî de binê varayîşê vewre de ameye kerdene.  Wekîla HDPyî Remzîye Tosun, Hemserekê Partîye yê Bajarî Zeyyat Ceylat û Gulîstane Atasoy û partijîyî tewrê şeyî bîyî.

Zeyat Ceylanî vat: ''Newroza emserî bi waştişê wedaritişê tecrîdê serê Raberê Şarê Kurdî Abdullah Ocalanî, veradayîşê tepişteyanê sîyasîyan, naskerdişê heqê ziwanê dayîke û xurtkerdişê têkoşînî azadîye û do bi tewrbîyayîşê mîlyonan bêro pîrozkerdene. Ma semedê Newroze panc komîsyno nayî ro. Ma hedef kenê ke bi mîlyonan şayîye bikerê. Ma bi se hezeran vilawekî amade kerdî ke ma şarî ra vila bikerê. Reyna çar leteyanê Kurdîstanî, Tirkîya û her hetê dinya ra do memanê ma bibê. 21ê Adare de xora çimê pêrune Amed de yo, ma zî do goreyê naye Neworzêka biheybete bikera. Nika ra ma venga şarê xo danê ke wa tewrê Newroze bibê. Ma pêro pîya wayîrê Newroze vejîyê. Newoze ziwanê dayîke ya, Newroze kultur a, têkoşîn a, semedê kurdan û dostanê ci roja wayîrvejîyayîşê estbîyayîşê înan a. Wa her kes Newroze cayê xo bigêro.''

Bade qiseykerdişê Ceylanî adirê Newroze ame tafînayene û dormeyê ci de govende ameye girewtene.