Avûkat Muharrem Şahînî ke Rayber Şarê Kurdî Abdullah Ocalan reyde xeylêk rey pêvînayîş kerdo, derheqê rolê ke Abdullah Ocalan vîjnayîş û sîyasetê demokratîkî rê fasilneno de, erjnayîşî kerdî.

Avûkat Şahînî vat: ''Goreyê Birêz Ocalanî problemo  bêçare çîn o. Sîyasetê demokratîkî muhîm vîneno. Vîjnayîşê ke verê ma de yê eşkenê Tirkîya bixelisnê. Ameyoxê nê welatî newe ra do bewlî bibo. Beno ke no rejîm bêro bedilnayene. Coka gerek her kes hîsgêr bo. Eke nê prosesî de Birêz Ocalanî reyde pêvînayîş bêro kerdene tansîyono ke şîyo dîyar, do bêro war. Eke hukmato newe goreyê qanûnan têbigêro, gerek cade tecrîd bêro wedaritene. Xora qanûn de astengkerdişê pêvînaşîşî çîn o. Nika sûc yeno kerdene. Gerek sîstemo newe nê sûcî mekero.''

Avûkat Şahînî vist vîrî ke Abdullah Ocalanî xeylêk rey adirbirnayîş îlan kerd û gamê muhîmî eştî û vat: ''Ma vînenê ke bi na polîtîka mesele nîna çaresekerdene. Semedê çareserkerdişê meseleya kurdan karê sîstemê neweyî rehet o. Têna wa samîmî bo, no bes o. Şertê nê est ê. Bi nêzdîbîyayîşê heta ewro mesela nêameye çareserkerdene.  Xora ewro rewşa ekonomî, hukm û sîyasetî meydan de ya. Merdimî nêeşenê nana bêrê keyeyê xo.  Ma zanê ke nê pêro bi çaserekerdişê meseleya kurdan yenê çareserkerdene. Eke Birêz Ocalanî reyde pêvînayîş bêro kerdene, heme meseleyî do bêrê çareserkerdene.''