Hemserekê Partîya Neweraawankerdişê Sosyalîstî (SYKP) ya Îstanbulî Ronî Gonenî ANFyî rê qisey kerd ke SYKP mîyanê Îtîfaqê Kede û Azadîye de cagêna.

Gonenî da zanayene ke ê destpêkî ra nata hetê HDPyî de cagênê. Gonenî îfade kerd ke SYKP û Partîya Çepe ya Hewze do bi weçînayîşan wayîrê sinifa kedkar û karkeran vejîyê. Gonenî vat: ''Dûştê ma de îqtîdarê AKP-MHPyî est o ke îtîfaqo tewr kanwazî yê tarîxî yo. Coka binvistişê nê îtîfaqî erkê ma yo tarîxî yo. SYKP hem nameyê Partîya Çepe ya Hewze ser o hem zî nameyê xo ser o do kuçeyan de xebatanê xo bikero û xeta têkoşînî awan bikero.''

Gonenî ard ziwan ke babetanê tewr girîngan ra yew zî weçînayîşan de caardişê asayîşê sindoqan û weçînitoxan o û înan seba nê erkî xo rêxistin kerdo. Gonenî vat: ''Ganî seba asayîşê weçînitoxan û vera provakasyonan xebatî bêrê kerdene. Ma do çend rojan ra dima kombîyayîşê xo yê Heyetê Merkezî yê Rayberdişî bikerê û paştdayîşê xo yê seba namzetêkî eşkera bikerê. Ma zanenê ke karakterê Erdoganî û Kiliçdarogluyî çita yê la ma wina fikirîyenê ke Erdoganî bin bikerê.''

Gonenî vat ke netîceya weçînayîşî se bena wa biba ê do têkoşînê xo rê dewam bikerê.