Partîya Çep a Keske Îzmîr û Bursa de bi beşdarîya girseyan û bi coşêkê pîlî buroyê xo yê weçînayîşî akerdî.

Bursa de taxa Karapinarî ya qezaya Yildirimî de buroyê weçînayîşî ame akerdene. Vervatoxa HDPyî Ebruye Gunaye, Hemvervatoxê Partîya Çep a Keske Îbrahîm Akin, aktîvîstê TJA, Hemserekê HDPyî yê Bursa Mehmet Dîlek, namzetê wekîlîye yê Bursa Ceylane Erol û Necdet Îpekyuz zî tewrê akerdişî bîyî. 

Ceylane Erol, Necdet Îpekyuzî û Ebuye Gunay akerdişê buroyî de qisey kerd û pare kerd ke ê do heta serkewtişî bêmabên bixebitê û Bursa ra 2 wekîlan vejê.

Îzmîrî de taxa Golcukî ya qezaya Menemenî de buroyê weçînayîşî ame akerdene. Hemvervatoxa PArtîya Çep a Keske Çîgdeme Kiliçgun Uçar û Serekwekîlê Koma HDPyî Saruhan Oluç zî tede xeylêk kesî tewrê akerdişî bîyî. Akerdiş de sloganê sey “Jin, jiyan, azadî” û “Bijî Serok Apo” ameyî vatene.

Saruhan Oluçî û Çîgdeme Kiliçgun Uçar akerdiş de da zanayene ke ê do weçînayîşan de morê xo bidê binê sindoqan ro.