Çalakîya roniştişî ya ke semedê azadîya Rayberê Şarê Kurdî Abdullah Ocalanî çarçewa Hemleya 'Tecrîd, faşîzm û îşxalî rê bes o; wext wextê azadîye yo' de verê Ofîsê Neteweyanê Yewbîyayeyan (NY) yê Cenevre de 25ê çeleyî de ameye destpêkerdene, dewam kena.

Çalakîya ke her roja çarşemeyî yena kerdene de derheqê tecrîd û felsefeya Abdullah Ocalanî de zanayîş yeno dayene û dezgehanê Ewropa ra yeno waştene ke wa vera polîtîkaya qirkere ya Tirkîya vengê xo berz bikerê.

Çalakîya nê hewteyî zî pê rezgirewitşê semedê şehîdanê Têkoşînê  Azadîye yê Kurdîstanî ameye destpêkerdene û şehîdê Xoverdayîşê Zîndanê Amedî yê 14 Temmuze, Şorişê Rojawanî yê 19ê Temmuze û Qirkerdişê Pirsûsî yê ke 20ê temmuze de ameyî qetilkerdene ameyî vîrardene.

Hemserekê Merkezê Komelê Demokratîkî yê Kurdan ê Cenevre Salîh Saglamî ke tîya qisey kerd bêvengîya hêzanê mîyanneteweyî ya vera hêrişanê vera kurdan şermezar kerde û ard ziwan ke Tirkîya dewletanê Ewropa ra paştî gena û hêrişanê xo xurtêr kena.

Badê qiseykerdişan semedê çalakîya ke 24ê temmuze de do Lozan de bêro kerdene ame vengdayene.