Platformê Cinîyan ê Mersînî vera şîdetê cînselî, cigêrayîşê rûtî û veradîyayîşê kiştoxê femînîste Konca Kuriş Mersîn de çalakîyêke viraşte.

Çalakîye verê Pozcu Kotonî de ameye kerdene. Çalakîye de pankartê sey ‘’Cigêrayîşo rût îşkence yo’’, ‘’Kiştoxê cîhadîstî teber de yê, êyê ke edaletî wazenê tepişte yê’’ ameyî berzkerdene. 

Nameyê platformî ser o Guneşe Dogdu eşkerayîye wende. Guneşe ard ziwan ke şîdetê polîsan nîşaneyê polîtîkayanê îqtîdarê camêrdan ê. Guneşe vat: ‘’Ma do vera polîtîkayanê dişmenan bi hêzê xo yê rêxistinkerdeyî her ca de vengê xo berz bikerê.’’