Nobeta Azadîye  ya ke semedê azadîya fîzîkîye ya Rayberê Şarê Kurdî Abdullah Ocalanî  25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 560. de dewam kena. No hewte nobete hetê grûba Solothurnî ra ameye dewrgirewtene. Grûbe de  Sercan Kiliç, Serhat Çelik, Yetiş Binici û Baran Demir ca genê.

Sercan Kiliçê ke bi nameyê çalakwanan qisey kerd, nê ardî ziwan: ''Ma wazenê wa Rayberê ma serbest bêro veradayene. Semedê nê ma 11 serrî yo tîya nobete tepişenê. Ma sey ciwananê Solothurnî ameyî, nobete tepişenê.  Êyê ke eşeknê Rayberîye azad bikerê, ciwan ê. Heta azadîye Rayberîye ma do nobete tepişê. Waştişê ma oyo ke Rayberîye û şarê Kurdê ke binê zilmî de yê, ma înan bikerê azad. Ewro çar parçeyanê Kurdîstanî de zilm est o. Dewleta tirke çekanê kîmyewîyan şuxulnena. Komelê mîyanneteweyî waştişanê nêeşnaweno. Ma sey ciwanan do heta azadîbîyayîşê Rayberîye û şarê ma, ma do têkoşîn bikerê.''