Denîze Poyraza ka hêrişê vera bînaya HDPyî ya Îzmîrî de ameye qetilkerdene ewro do Goristanê Kaynaklarî yê Buca de bêro definkerdene. 

 Seba Denîze Poyraz verî saete 17.00 de Camîya Kadifekale ya qezaya Konakî ya Îzmîrî de merasîmêk do bêro kerdene û dima ra cenaza Goristanê Kaynaklarî yê Buca de bêro definkerdene. 

Hemserekê Pêroyî yê HDPyî Pervîne Buldan û Mîthat Sancar parlementerî û endamê MYK û PMyî zî do tewrê merasîmî bibê

Cenazaya Poyraze vizêr Dezgehê Tibê Edlîyî ra ameye girewtene û pîya bi wekîlanê HDPyî û hemserakanê partîye yê Îzmîrî ameye berdene Mudîrîya Goristanan.

Seba ke cenaza mero remnayene bi desan kesî vêrê Mudirîya Goristanan de nobete tepiştenê.