Roniştişo 22. yê Dewaya Kobanê vizêr Mehkemeya Cezaya Girane ya Anqara de salona Kapusê Zîndanê Sîncanî de ame kerdene.

Avûkatê Komîsyonê Huqûqî yê DEM Partî û OHDyî zî tede xeylêk kesî tewrê roniştişî bîyî. 

Ronişstiş de avûkata Sebahate Tuncel Ebruye Akkel dîyar kerd ke îdîanameyê Dewaya Kobanê de nasnameyê sîyasetmedarîya ci ra ber derheqê îdîayanê serê Sebahate Tuncel de delîlêk çin o. Ebruye Akkel vat: ''Ma senî eşkenê nê îdîyan bi 6-8ê teşrîna verêne girê bidê. Raporê Şubeyê TEMî yê dosya bi talîmatê mudirîya polîsan ameyo amadekerdene.''

Roniştişê dewa do ewro bi pawitişê Hemsereka HDPyî ya verêne Fîgene Yuksekdag dewam bikero.