60 nîjadperestanê tirkan 21ê temmuze de taxa Çarlikoyî ya qezaya Meramî ya Konya de hêrişê kurdan kerdbi û hêriş de Hakîm Dalo 43 serre amebi qetilkerdene.

Cenazaya Dalî goristanê Tatlicakî yê Karahuyukî de ameye definkerdene. Wekîlê HDPyî Murat Çepnî û xeylêk endamê partî tewrê merasîmê cenaza bîyî. Merasîm de lawikî ameyî vatene.

Hêrişî ra dima 20 kesî ameybî destbendkerdene. Avûkatê keyeyî Abdurrahman Karabulutî pare kerd ke seba destbendkerdişê hêrişkeran ê bînan xîretî dewam kenê.

ÎHDyî da zanayene ke 2020 de 14 hêrişê nîjadperestî ameyî kerdene û 3ê ci domanî 7 sûrîyeyîjî ameyî qetilkerdene, 32 kesî birîndar bîyî. 2010 ra nata tewr tay 280 hêrişê nîjadperestî ameyî kerdene û nê hêrişan de 15 kesî kişîyayî, 1097 kesî birîndar bîyî.