Wezîfedara HDKyî Neslîhane Acar rewşa Hatayî AFNyî rê ercna û semedê girdkerdişê paştîdayîşî veng da.

Acare vat: ''Tîya pêro şar perîşan o. Bajar serûbin bîyo. Şar cenazayanê xo paweno. Merdimî kuçeyan de warway gêrenê, problemê germbîyayîşî est o. Kenê ke bajarî bi temamî veng bikerê. Seba ke problemê cayêmendiş û werdî est o şar zî mecbur maneno ke bajarî caverdo. Bajar hema zî lerzeno. Problemê girdî yê şebeke, resnayîşî est ê. Ma roje de hendê 100 tiran tîya veng kenê. Şar yeno tîya ra malzemeyanê  sey batanîye, kinc, girîşê qican, gîrişê nêweşan, dermanî geno.  Pîya bi nê ma kenê biresê dewan û qezayan zî. Têna zerrîwazî û rêxistinê komelê sîvîlî hetkarî kenê.''

Neslîhane Acar  wina dewam kerd: ''Nêweşxaneyê Sahra rijnayeyo ke açarîya morg. Xeyma Sahra ameya ronayene la malzemeyê medîkal û xebatkarê weşîye kêm ê. Ekîba AFADî çîn a. Yew di xeymê Kizilayî ma dîyî la nê zî kahan ê. Takvîyeyê xeyman çîn o. Ganî bajarê xeyman bêro ronayene. Binê heme bînayan de cenazayî est ê. Şar cenazayanê xo paweno. Şar teber de yo. Hewcadarîyê sey cayê mezelî, tewreyê meyîtî, pîneyê kefenî nînê caardene. Kuçeyan de cenazayê bêkefen est ê. Cenazayê ke heme nêameyî qeydkerdene est ê. Tîya her hetî ra hetkarî hewce kena. No bajar çîn bîyo. Wazenê demokrafîya ci bibedilnê. Kenê ke mecburîyetê nê şarî sey dizdîye ramojnê. Tîya qet hetkarîya dezgehanê fermîyan çîn a. Ge-ge vîdeoyanê grûbanê sixletîyan ancenê, senî ke tîya xebityenê, wina mojenenê.''

Wezîfedara HDKyî Neslîhane Acar qala rewşa cinîyan zî kerde û wina veng da: ''Ma wazenê yewina cinîyan ronê ke hewcedarîyanê cinîyan bîyarê ca. Malzemeyê hîjyenî nêvejenê. Problemê weşîye zaf ê. Cinîyê miqatê extîyaran, qican û nêweşan benê. Halê tavmatîk de nê karan kenê. Pedê cinîyan, kincê termalî, pûçî hewce kenê. Tîya zaf porblemê germbîyayîşî est ê. Tîya cinîyê ke xelisyayî, qerguşî ardî dinya est ê. Cinîyê ke gerguşan lewnanê est ê. Dayîkê qicanê nêweşan est ê. Çîyo ke destê ma ra yeno, ma kenê la ganî paştîdayîş bêro girdkerdene. Ma veng danê pêro têgêrayîşanê cinîyan ke wa paştî bidê.''