Serkêşîya Hemserekê Pêroyî ya HDPyî Mîthat Sancarî de hemserekan û vervatoxanê partîyanê ke pabesteyê HDPyî yê kombîyayîş kerd. Kombîyayîş de derheqê namzadê serekkomarî muneqeşe ame kerdene.

HDPyî badê kombîyayîşî eşkerayîye daye û nê vatî: ''Hemsereka Pêroyî ya Partîya Herêmanê Demokratîkan (DBP) Salîha Aydeniz, Hemserekê Pêroyî ya Partîya Sosyalîste ya Bindestan (ESP) Ozleme  Gumuştaş û Şahîn Tumuklu, Vervatoxa Paltformê Paştdayîşê Sosyalîstî (SODAP) Kezbane Konukçu,  Hemserekê Pêroyî yê Partîya Newera Ronayîşî ya Sosyalîste (SYKP)  Cavît Ugur, Sereka Pêroyî ya Partîya Şorişgêre Elîfe Torun, Hemvervatoxê Partîya Çepa Hewze Çîgdeme Kiliçgun Uçar û Îbrarhîm Akin tewrê kombîyayîşî bîyî. Kombîyayîş de rojdemê bingeyî yê sey  averşîyayîşê sîyasîyî, polîtîkayê îtîfaqî û namzedê HDPyî  gerîyayî dest. Kombîyayîşo ke tede qerarê muhîmî ameyî girewtene de nameyê ke semedê namzedê serekkomarî yê HDPyî ameyî pêser nînan ser muneqeşe ame kerdene.''