Hemserekê Pêroyî yê HDPyî do TÎP û EMEPî reyde pêvînayîş bikerê
Kombîyayîşê Îtîfaqê Kede û Azadîye de HDPyî waşt wa bi yew lîste la TÎP û EMEPî waşt bi lîsteyanê xo debikewê vîjnayîşî. Hemserekê Pêroyî yê HDPyî do TÎP û EMEPî reyde pêvînayîş bikerê.
Badê kombîyayîşê HDPyî yê 15ê adare, partîyê ke Îtîfaqê Kede û Azadîye de ca genê ameyî têhet.
Îtîfaqo ke mêmandarîya HDPyî de ame têhet rojdemê ci de vîjnayîşê serekkomarîye û parlamenteran est bi.
HDPyî waşt lîsteya ke înan kombîyayîşê Heyetê Rayberdişî yê Merkezî de hazir kerd, wa bi na lîste debikewê vîjnayîşî. La Partîya Karkeran a Tirkîya (TÎP) û Partîya Kede (EMEP) reyna vat ê wazenê pê lîsteyanê xo debikewê ke no waşti bi rojano rayapêroye de yeno muneqeşekerdene.
Hemserekê Pêroyî yê HDPyî Pervîne Buldan û Mîthat Sancar do Serekê Pêroyî yê TÎPî Erkan Baş û Serekê Pêroyî yê EMEPî Ercument Akdenizî reyde pêvînayîş bikerê.
