Huqûqnas Firat Vuralî derheqê weçînayîşanê 14ê gulane de ANFyî rê qisey kerd.

 Firat Vuralî da zanayene ke îqtîdarê AKP-MHPyî nika ra binkewtişî ra terseno û vat: ''Îtîfaqê Kede û Azadîye do Meclîs de cayêkê pîlî bigêro û bi nê hawayî îqtîdar do nêeşko her waştişê xo bîyaro ca. Îtîfaqê Kede û Azadîye do verê îqtîdaranê ke wazenê Kurdîstan û Tirkîya de faşîzm mende bikerê, bigêro. Eke Îtîfaqê Kede û Azadîye rayanê xo bizêdîno do bibo muxalefeto esas. Ganî pêro demokratî nê weçînayîşan de raya xo bidê Îtîfaqê Kede û Azadîye û bi aktîfî tewrê xebatanê weçînayîşî bibê.

Ma erdlerz de dî ke sîstemê serekîye yê AKPyî çi ano şarî ser. Erdlerzî eşkera kerd ke AKP-MHP, çete û mafyayê înan derdanê şarî rê çare nêbenê. Eke Îtîfaqê Kede û Azadîye sey muxalefetî bikewo Meclîsî, 100 ra zêdeyêr wekîlîyan bivisno destî hînî, Meclîsî do bikero merkezê çareserîya meseleya kurdan. Coka ganî demokratê Tirkîya û Kurdîstanî şorê sindoqan û wayîrê rayanê xo vejîyê.''