Partîya Çep a Keske vizêr qezaya Kanîreşî ya Çewlîgî de  buroyê vîjnayîşî akerd.

Verê akerdişê buroyî namzede Partîya Çep a Keske yê Çewlîgî Omer Faruk Hulakî, Cemîle Turhalli û Faruk Aris dewkewtişê qeza de bi girseyî ameyî verwazîkerdene. Gama ke konvoy resa verê buroyî war açarîya şayîya mîtîngî.

Namzed Faruk Arasî vist vîrî ke kurdî seserrî yo binê zextî de yê, bale ante muhîmî vîjnayîşan ser û vat: “ Ma do bi xoverdayîşî ser bikewê.”

Cemîle Turhalli zî vat: “Ma do coşê Newroze bikirişê vîjnayîşan û bi ruhê Mazlûman ser bikewê.”

Omer Faruk Hulakî zî  vat: “Ma do nê vîjnayîşan de nê îqtîdarê zalimî bişawê. Qeyûman rê vajê nê. Ma heyatê mehkemeyan açarnayî warê xoverdayîşî, ma do nê bi serkewtişî tacîdar bikerê. ”