Komîteya Şaran û Bawerîyan a KCKyî bi wesîleya Aşma Remezanî eşkerayîye daye û nê pare kerdî:

''Kurdîstan, Tirkîya û Sûrîye de şarî bi dejanê girdan ê erdlerz û laseran kewnê Aşma Remezanî. Dişmenîya dewleta tirke ya vera şaran û bawerîyan nê afatan de dejî girdêr kerdî. Dewleta tirke afata erdlerzî vera kurdan û ereban sey sîyasetê qirkerdişî şuxulnena. Coka plananê leyminan kena.  Kena ke elewîyan ê kurdan û ereban erdê ci raqilno. Seba ke Kurdîstanî kurdan ra bikerê veng, hêrişê bêheleqî kerdî. La şarê ma rixmê heme hêrişan wayîrê yewbînan vejîya û bi paştîdayîşî xeyêk planê dewleta tirke betal kerdî. Nê prosesî de ma reyna dî ke paştîdayîşê şarî senî muhîm o. Ma pê bawer ê ke do şarê ma Aşma Remezanî de nê paştîdayîşî xurtêr bikero.

Şarê Kurdîstanî bi coşê Newroze ya  ke vera zaliman roşanê serkewtişî yê têkoşînî ya, kewno Aşma Remezanî. Şarê kurdî zano ke Remezanî ra dima Newrozê tarîxî înan pawenê. Ma veng danê ke wa şarê ma na aşme de yewîya demokratîke, wayûbiratîye û paştîdayîşî û qerardarîya têkoşînî her wextî ra girdêr bikero. Şarê ma gama ke wecîbeyanê xo yê dînîyan ano ca gerek sere de keyeyê şehîdan û tepişteyan paştî bido kesanê  ke hewceyê hetkarîye yê. Ma veng danê şarê Kurdîstanî ke wa emser fitir û zekatê xo bidê dezgehanê xeyrî yê welatperweran. Ma pê bawerê ke şarê ma do mexdûranê erdlerz û laserî xo vîr ra mekero û sifreyê xo bi ruhê welatperwerîye pare bikero. 

Dewleta tirke wazena waranê erdlerzî ra kurdan vejo. Şarê ma gerek vera nê hêrişan wayîrê bawerî, nasname û kulturê xo bivejîyo û erdê xo cameverdo. Bi wesîleya rojeyê Remezanî ma wazenê reyna bifînî vîrî ke vera hêrişan yewîye û paştîdayîş zaf muhîm o. Wa rojeyê Remezanî bibo wesîleya xeyran. Ma hevî kenê ke îbadetê na aşma bimbareke do peynîya munafiqan bîyarê.''