Serekkomarê Tirkîya Erdogan 27ê çeleyî de do bêro paytextê Almanya Berlinî.  KON-MEDî derheqê babete de eşkerayîyêke daye û pare kerd ke a roje bi rayraşîyayîşêkê girseyî zîyaretê Erdoganî hetê Înîsîyatîfê Erdogan Not Welcome ra bêro protestokerdene.

KON-MEDî eşkerayîya xo de da zanayene ke Erdogan dîktator o û mesuldarê sûcanê şerî û hêrişanê vera Kurdîstanî yo. KON-MEDî îfade kerd ke Erdogan seba ke seba şerê vera kurdan destek biwazo do bêro Berlinî. KON-MEDî eşkerayîye de venga dewleta Almanya da ke wa nêba şirîka kerdişanê Erdoganî û paştî nêda polîtîkayanê ci yê krîmînalîzekerdişê kurdan.

KON-MEDî vat: ''Ma do sey şarê kurdî û dostanê kurdan 27ê çeleyî de sey bi hezaran kesan meydanan pirr bikerê. Ma do bimojnê ke hemkarîya gemarine qebul nêkenê. Dîktatorêko ke qirkerdişan û sûcanê şerî keno, ganî senî bêro pêşwazîkerdene ma do wina Erdoganî pêşwazî bikerê. Ma reyna venga Almanya danê ke hemkarîya xo ya gemarine bi dewleta tirke ya îşxalkere biqedîna. Çalakîya ma saete 13.00 de, Bundeskanzleramt de do bêra kerdene.''