Taxa Bistinî ya qezaya Çêrmûge ya Amedî de leşkeranê tirkan eşt deweka Gulabaxçe ser û babîyê hîrê domanan Mîkaîl Ekîncî (28) qetil kerd.

Leşkeran bi îdîaya ke derheqê Ekîncîyî de bira tepiştişî est a, eşt keyeyê ci ser, berî şikitî û ferdanê keyeyî rê îşkence kerd. Leşkeran Mîkaîl Ekîncî keyeyê ci de qetil kerd. Cenazaya Ekîncîyî otopsî ra dima deweke de ameye definkerdene.

Ame parekerdene ke 12ê adara 2021î de mabênê keyeyanê Ekîncî û Aydinî de erazîyêkî ser o pêrodayîş vejîyayo û pêrodayîş de kesê bi nameyê Kamîl Ekîncî merdo, keyeyê Aydinî ra 3 kesî tepişîyayê. Pêrodayîşî ra di mengan dima zî Cemal Aydin hêrişêk de dinyaya xo bedilnaye. Dîya zanayene ke derheqê Mîkasîl Ekîncîyî de nê pêrodayîşî ra semed bira tepiştişî dîyaya.