Mehmet Îlhano ke bi nasnameyê Mala Motorî şinasîyeno, 74 serrîya xo de dinyaya xo bedilnaye.

Kadroyanê serkêşan ê PKKyî ra Ferhat Kutayî nameyê ''Mala Motorî'' dabi Mehmet Îlhanî. Kurtay vera zulmê Zîndanê Amedî Eşref Anyik, Mahmut Zengîn û Necmî Onerî reyde bedenê xo dabi adirî ver.

Mehmet Îlhan nêweşîyanê xo ra şî rehme. Seba ey Camîya Hazretî Mûsayî de şîn ronîya. Îlhanî reya verêne qezaya Qoserî ya Mêrdînî de wezîfe girewtbi û uca de Ferhat Kurtay şinasnabi.

Seba ke o bi motorsîklete şîyêne camî û karê xo yê bînî zî pê na motorsîklete kerdêne nameyê ci sey ''Mala Motorî'' mend.

Lajê ey Abdullah Îlhano ke mala bibi, 1982 de tewrê PKKyî bi û hêrişanê vera Rojawanî de şehîd bi. Lajê Mala Motorî yo bîn, Mala Necmettîn Îlhan zî 2014 de hêrişê cerganê DAÎŞî yê vera Kobanê de şehîd bi.