Namzeta Dêrsimî ya Partîya Çep a Keske vizêr dewa Şixsoyî yê merkezî zîyaret kerde. Dima Aytene Kordu xebatê cigêrayîşê ciwananê ke Çemê Munzurî de xeniqîyayê, teqîb kerdî û destek da keyeyanê ciwanan.
Partîya Çep a Keske bi namzeta xo Aytene Kordu kewena weçînayîşan. Rêxistina Partîya Çep a Keske ya Dêrsimî û namzete Aytene Kordu bêmabên şaristan de zîyaret û kombîyayîşanê şarî rê dewam kenê.
Aytene Kordu û heyetê ci vizêr hêverî dewa Şixsoyî yê merkezî zîyaret kerde. Aytene Kordu banê dewe zîyaret kerdî, şarî reyde qisey kerd û broşurî vila kerdî.
Dima Aytene Kordu û heyet şîyî Çemê Munzurî ke 22yê nîsane ra nata tede hîrê ciwanî vînîbîyaye yê. Aytene Kordu xebatê cigêrayîş û xelisnayîşî teqîb kerdî û keyayanê ciwanan de qisey kerd.
