Partîya Çep a Keske herêmanê erdlerzî Hatay û Mereş de xeylêk dezgehî zîyaret kerdî û şarî reyde ameye têhet.

Partîya Çep a Keske Hatay de DÎSK, Komeleya Astengdaran a Defne (DEFNE-DER), Yewîya Odayanê Meslekî yê Akademîkî ya Hatayî (HAMOK) û Yewîya Odayanê Mîmar û Muhendîsanê Tirkan (TMMOB) zîyaret kerdî. Namzedê Partîya Çepe Keske Kerem Nalbantî zîyaret de îqtîdar rexne kerd.  Zîyaretan de şarî dîyar kerd ke Partîya Çep a Keske roja verêne ra nata ardimê mexdûran kena.

Qezaya Bazarcixî ya Mereşî de Partîya Çep a Keske şarî reyde ameye têhet û standê weçînayîşî ronayî. Şarî zaf eleqe mojna standan. Endama Meclîsê HDPyî Beybûne Aslan xebatan de cagirewt û vat: ''Ma seba cuyêka têdûşt û azade dest pê xebatanê xo kerd. Ma meydanan de yê.''