Turê weçînayîşî yê Partîya Çep a Keske Serhed de qezaya Geverî ya Colemêrgî de dest pêkerd. Turê weçînayîşî de mesajê ''Ma do vera faşîzmê AKP-MHPyî ser bikewê'' dîya.

Şarî bi coşî namzetê wekîlîye yê Partîya Çep a Keske û wekîlê HDPyî pêşwazî kerdî.

Wekîlê HDPyî yê Colemêrgî Saît Dedeyî dîyar kerd ke şarê Geverî qetî vera zulmê AKP-MHPyî milê xo çewt nêkerdo û weçînayîşanê 14ê gulane de zî nê îradeyê xo do bimojno.

Hemsereka Partîya Sosyalîste ya Bindestan (ESP) Ozleme Gumuştaş zî ard ziwan ke înan vera faşîzmê AKP-MHPyî Serhed de dest pê rayraşîyayîşî kerdo û vera nê faşîzmî do ser bikewê.

Hemserekê DBPyî Keskîn Bayindirî vat: ''Ma Gever de vera nê faşîzmî dest pê weçînayîşî kenê.''

Hemvervatoxa Partîya Çep a Keske Çîgdeme Kiliçgun Uçar vat: ''Ma 10 rojî yo meydanan de yê û ma dî ke AKP do bin bikewo û ma do ser bikewê. Ma vera faşîzmî têkoşîn kenê. Ma bihêz ê û do ser bikewê. 14ê gulane de ma nê hukmatî ra hesab bipersê.''

Qiseykerdişan ra dima heyet derbazê qezaya Elbakî ya Wanî bi.