Qezaya Qereyazî ya Erziromî de yew rotoxo gêrok û di lajê ci mabênê kuçeyî de raştê îşkenceyê polîsan ameyî.

Polîsan waşt Nurî Bayraktar û wird lajanê ci ke rotoxê gêrokî kenê, înan ra waşt wa tezgahê xo biqefilnê. Nurî Bayraktaro ke bi nê tezgahî îdareyê xo keno, nêwaşt tezgahî biqefilno. Naye ser o raştê îşkenceyê polîsan ame. Wird lajê Bayratarî Dogan û Omerî vera polîsan vejîyayî, nêrazîbîayîş mojna. Polîsan wird lajan rê îşkence kerd.

Derûdorî ra zî şarî vera polîsan nêrazîbîyayîş mojna. Polîsan naye ser o tifing teqna, guleyî eştî hewayî. Bayraktar û wird lajê ci ameyî destbenkerdene û ameyî berdene Mudirîya Polîsan a Qeza.