Îqtîdaro faşîst seba ke vernîya rayraşîyayîşê HDPyî ke do 15ê hezîrane de Edirna û Colemêrgî ra bêro destpêkerdene bîgêro, îxlalkerdişê heqanê rê dewam keno.

Walîtîya Edirne da zanayene ke mabênê 14-17ê hezîrane de dekewtiş û vejîyayîşê bajarî do bêro sînorkerdene. Dima ra xeberêke qedexeyî zî Wanî ra ameye. Walîtîya Wanî da pêhesnayene ke  heme çalakî û aktîvîteyê ke hewayo akerde de yenê kerdene û  paştî dîyena înan qedexe yê. Reyna  wesayîtê ke teberê nê bajaran ra semedê çalakîye yenê nêeşkenê bikewe zere û wesayîtê bînî zî semedê paştîdayîşî nêeşkenê vejîyê teber. Badê Wan û Edirne Walîtîya Tekîrdagî verê rayraşîyayîşê HDPyî qerarê qedexeyî girewt. Goreyê nê qerarî heme aktîvîte û çalakîyî ameyî qedexekerdene.