Zîyaretê Erdoganî yê Almanya ame betalkerdene
Serekkomarê Tirkîya Erdoganî zîyaretê xo yê Berlinî ke do peynîya hewteyî de biameyêne kerdene, betal kerd. Ame musayene ke Anqara û Berlinî derheqê detayanê pêvînayîşî de pênêkerd.
Hewteyo ravîyarte de çapemenîya tirkî eşkera kerdbi ke Serekkomarê Tirkî Receb Tayyip Erdogan do 27ê çeleyî de paytextê Almanya Berlinî zîyaret bikero. La hela peyêne de seba ke hukmatê Almanya û îqtîdarê AKP-MHPyî derheqê detayanê pêvînayîşî de pênêkerd, pêvînayîş ame betalkerdene.
Torra Karanê Nuştişî yê Almanya (RND) da zanayene ke Erdoganî zîyaretê xo yê Almanya betal kerdo. Yeno texmînkerdene ke rîyê qewimîyayîşê Neussî ra hukmatê Almanya no pêvînayîş nêwaşt.
