AKTUEL

Xeberê peyênî

• Adana de operasyonê qirkerdişî ame protestokerdene 

  Rêxistina HDPyî ya Adana operasyonê qirkerdişî yê sîyasîyî yê bajarî protesto kerd. Hetê bînî ra hûmara destbendkerdişan bîye 13.
• Derheqê qirkerdişanê SÎHAyanê tirkan de konferanso online 

  Derheqê SÎHAyanê tirkanê ke demo peyên de xeylêk herêmanê Kurdîstanî de qirkerdiş kenê de konferanso online yeno organîzekerdene.
• Meqaleya Ocalanî kovara Jacobînî de ameye weşanayene 

  Meqaleya Rayberê Şarê Kurdî Abdullah Ocalanî kovara Jacobînî ya Amerîka de ameye weşanayene.
• Keyeyan seba şîyayîşê Îmraliyî muracat kerd 

  Keyeyê Rayberê Şarê Kurdî Abdullah Ocalanî û keyeyanê tepişteyan ê bînan ê Îmraliyî seba pêvînayîşî muracatê Serdozgerîya Komare ya Bursa kerd.
• Onlu: Çek û kepçeyî dekewenê Çimeyanê Munzurî 

  Wekîlê HDPyî yê Dêrsimî Alîcan Onluyî pare kerd ke wexto ke ey Çimeyanê Munzurî de cigêrayîş kerdêne dewlete pê çek û kepçeyan dewkete ci. Onluyî vat: ''No hêriş nêno qebulkerdene.''
• 'Tecawuzker do hesab bido' 

  Çawişê dewleta tirke tecawuzê Î.A.ya 18 serre ci kerdbi. Dadîya Î.E. Hakîme Kiliç vat: ''Faîlê kênaya mi ça de yê? Wezîrê Edaletî ça de yo? Ez do hesabê kênaya xo bipersa. Heta ke tecawuzker ceza nêgêro ez rehet nêkena.''
• Mehkemeya tirkan tecawuzkerêko bîn zî verada 

  B.K.yo ke tecawuzê domanêka 16 serre kerdbi, rixmê raporê nêweşxaneyî zî ame veradayene.
• Polîsanê tirkan Adana de 13 ciwanî destbend kerdî 

  Adana de operasyonêkê qirkerdişê sîyasîyî de endamê Meclîsê Partî û Ciwanan ê HDPyî Ferhat Kalkan zî tede 13 ciwanî ameyî destbenkerdene.
• Waştişê veradayîşê Tîmtîke û Unsalî reyna ame redkerdene 

  Mehkeme waştişê serbestveradayîşê Ebru Tîmtîk û Aytaç Unsalî yê ke rojeyê mergî de yê, red kerdbi. Avûkatî vera nê qerarî vejîyayî la îtîrazê înan zî ame redkerdene.
• Buroyê Huqûqî yê Asrinî: Ganî CPT berpirsîyarîya xo bîyaro ca! 

  Buroyê Huqûqî yê Asrinî ard ziwan ke raporê CPTyî muhîm o la qîym nêkeno û waşt ke sere de CPT heme dezgehê heqanê merdiman ê mîyanneteweyî wa berpirsîyarîya xo bîyarê ca ke îşkenceyê Îmraliyî biqedîyo.
• Avûkatan seba pêvînayîşê Îmraliyî muracat kerd 

  Avûkatanê Rayberê Şarê Kurdî Abdullah Ocalanî seba ke siba muwekîlê xo reyde pêvînayîş bikerê reyna muracatê Serdozgerîya Komare ya Bursa kerd.
• Raporê temmuze: 98 rojnamegerî hê tepişte yê 

  Komeleya Rojnamegeran a Dîcle Firatî (DFG) raporê xo yê binpaykerdişanê heqan ê menga temmuze eşkera kerd. Goreyê raporî 98 rojnamegerî tepişte yê.
• Hîrê mengan de mergê şikdarî yê 3 leşkeran ê kurdan 

  Mergê şikdarî yê leşkeran ê kurdan ê ke realîteyêkê dişmenîya tirkan a vera kurdan o, reyna zêdîyayî. Nê 3 mengan de 3 ciwanê kurdî wexto ke leşkerîya mecbûrîye kerdêne bi hawayêkê şikdarî merdî.
• Gorgu: Ganî Swêd PKK 'lîsteya rêxistinanê terorî' ra vejo 

  Kaykerdoxê tîyatroyî û Serekê Diyînî yê Konseya Haştîye ya Swêdî Kemal Gorguyî pare kerd ke dewleta Swêdî ganî semedê serebûtê kişîyayîşê Palmeyî ra kurdan ra ûzrê xo biwazo û PKK 'lîsteya rêxistinanê terorî' ra vejo.
• MŞD: Tewrê kampanyaya awankerdişê Êzidxanî bibê 

  Serrgêra 6. ya Fermanê 3ê Tebaxe de seba newe ra awankerdişê Şingalî kampanyayêke dîyaye destpêkerdene. Meclîsê Şingalî yê Teberê Welatî (MŞD) seba tewrbîyayîşê kampanya veng da.
• CPT: Astengîyê vera Îmarliyî nênê qebulkerdene 

  Komîteya Vergirewtişê Îşkenceyî (CPT) ya Konseya Ewropa pare kerd ke astengîyê vera Rayberê Şarê Kurdî Abdullah Ocalanî û tepişteyanê bînan ê Îmraliyî 'nênê qebulkerdene.'
• Dêra Zorê de vera cerganê DAÎŞî hamleyêka newîye dîyaye destpêkerdene 

  QSDyî û Hêzanê Asayîşê Zereyî pare kerd ke bajarekanê Şihêl û Hewayîcî yê Dêra Zorê de vera hucreyanê DAÎŞî hamleyêka newîye dîyaye destpêkerdene.
• Beyrût de teqayîş: 73 kesî merdî, 3.700 kesî birîndar bîyî 

  Paytextê Lubnanî Beyrût de teqayîşan de ke vîzêr nêmroj qewimîyayî 73 kesî merdî û 3.700 kesî zî birîndar bîyî. Welat de şîno neteweyî ame îlankerdene.
• HDPyî ramit qeyûmî werd! 

  TRT Xebere projeyê bostano ke wextê Hemşaredaranê HDPyî yê Sêrtî de amebi kerdene, seke qeyûmî kerd mojna.
• Temsîlkaranê dezgehanê Swêdî seba tepişteyan venga Îranî da 

  Temsîlkaranê dezgehanê Swêdî seba ke Zeynebe Celalîyan, Nasrîne Sotoudeh û Zara Mihemed bêrê veradayene venga hukmatê Swêdî da ke wa têbigêro.
• Leşkeranê tirkan Ebex de kurdêk qetil kerd 

  Qezaya Ebexî ya Wanî de leşkeranê tirkan kolberan ser o guleyî vernayî. Netîceya hêrişî de kurdêk ame qetilkerdene.
• Zîndanê Tarsusî de tepişteyî pê Korona kewtî 

  Mudirê Karanê Nuşteyî yê Azadîya Welat Îsmaîl Çobano ke Zîndanê Tarsusî de tepişte yo da zanayene ke tepişteyî pê vîrusê Korona kewtî û nênê weşkerdene.
• Qurbanê Fermanê 73. ê Şingalî Toronto de ameyî yadkerdene 

  Şaristanê Torontoyî yê Kanada de serrgêra 6. ya Fermanê 73. yê Şingalî de qurbanî ameyî yadkerdene.
• Meletî de bi şîdetê 5.2î erd lerzîya 

  Şaristanê Meletî yê Vakurê Kurdîstanî de bi şîdetê 5.2î erd lerzîya.
• Avûkatan seba pêvînayîşê Îmraliyî muracat kerd 

  Avûkatanê Rayberê Şarê Kurdî Abdullah Ocalanî seba ke muwekîlê xo reyde pêvînayîş bikerê reyna muracatê Serdozgerîya Komare ya Bursa kerd.