Goreyê xebera AFPyî hetê Mehkemeya Antî-Terorîzmî ya Neteweyîye (PNAT) ra derheqê kesê bi nameyê Nabîl G.yî de sûcanê 'qirkerdişî' û 'vera merdimîye' ra cigêrayîşêk dîya destpêkerdene.

Ame parekerdene ke Nabîl G.yê 31 serreyî serranê 2015-2016î de Rojawan de binê sîwana DAÎŞî de vera kurdanê êzidîyan sûcê giranî kerdî. Nabîl G. çarçewa tehqîqatî de sûcanê kolekerdiş, îşkence, tecawuz û qirkerdişî ra yeno sûcdarkerdene. Cigêrayîş 10ê temmuze de dîya destpêkerdene.

Verê cû zî derheqê cergê bi nameyê Sabrî Esssîdî de seba ke serranê 2014-2016î de vera kurdanê êzidîyan sûcê giranî kerdbi cigêrayîşêk dîyabi destpêkerdene.

Fransa zî vera cerganê radîkalan ê Îslamî heta nika têna 'terorîzmî' ra cigêrayîş dabi destpêkerdene. Sere de Federasyonê Heqanê Merdiman ê Mîyanneteweyî (FIDH) û xeylêk komeleyan waştbi ke sûcê vera êzidîyan çarçewa sûcê qirkerdişî û sûcê vera merdimîye de bêrê ercnayene.