Pakîstan de tren vêşa: Tewr tay 65 kesî merdî
Herêma Pencabî ya Pakîstanî de trenêk şewat vejîya û tewr tay 65 kesî merdî.
Goreyê medyaya Pakîstanî merkezê Rahim Yar Hanî yê Pencabî de trenêk vêşa. Wezîra Weşîye ya Herême Yasmîn Raşide ya ke AFP'yî reyde qisey kerd, vat tewr tay 65 kesan wefat kerd û tewr tay 60 kesî zî birîndar bîyî.
Wezîra Heqanê Merdiman a Pakîstanî Şîrîn Mazarî twîtter de beyanatêk weşana û pare kerd ke rîyê teqayîşê tupê gazî şewat ame meydan û merdimanê qurbanîyan rê serweşîye waşte. Goreyê medyaya komelkî wexto ke tren de werd ameyêne viraştene teqayîş ame meydan.
