Artêşa Iraqî vizêr şan dabi zanayene ke vera baregehê leşkerî yê Amerîka yê Tacî yê nêzdîyê Bexdadî bi 10 roketan hêriş ame kerdene û zerarêk nêresa kesêk ser.

Wextêkî kilmî ra dima koalîsyonê mîyanneteweyî yê rayberîya DYA eşkerayîyêke daye û eşkera kerd ke hêriş de 2 leşkerê amerîkayîjî û leşkerêko îngîlîz merdî. Koalîsyonî ard ziwan ke zaf leşkerî zî birîndar bîyî. Teşrîna verêna 2019î ra nata Iraq de vera Amerîka 22 hêrişî ameyî kerdene.

Verê cû zî hêrişê vera tesîsanê Amerîka de wezîfedarêkê Amerîka û leşkerêko iraqij merdbî. Kesêk no hêriş nêgirewt xo ser la Washington îfade kerdbi ke terefgîranê Îranî no hêriş kerd. Dima ke leşkerêko amerîkayîj merd vera baregehê Kerkûkî 30 roketî ameybî eştene, DYA zî Iraq û Sûrîye de dabî 5 baregehanê Tugayanê Hîzbullahî yê terefgîranê Îranî ro.

Menga çeleyî de zî Iraq de DYA serfermandarê Îranî Qasim Silêmanî û berpirsîyara Haşdî Şabîyî kiştbî. Nê serebûtî ra dima zî  rejîmê Îranî zî Iraq de vera baregehanê Amerîka hêrişê bi roketan kerdbi.