Sekreterê Pêroyî yê Neteweyê Yewbîyayeyî (NY) Antonio Guterresî hîşyar kerd ke eke vera nêweşîya Korona paştdayîş mebo sere de cuya welatanê nêçaran  cuya bi mîlyonan kewena tehluke.

Gueterresî vera vîrusê Korona (Covid-19) yo ke aşma  kanûne de vejîya meydan de welatî hîşyar kerdî. Sekereterê  Pêroyî yê NYyî vat: ''Eke ma destur bidê vîrus sey şewatêk sere de welatanê neçaran ra vila bo no do bibo sebebê mergê bi mîlyonan merdiman.'' Guterreso ke bi rayîrê vîdeo kombîyayîşê çapemenîye kerd vat: ''Paştdayîşo global têna zordarîya exlaqî nê  semedê holîye  her kesî yo.''