Platformê Ma Qetilkerdişê Cinîyan Vindarnenê (KCDP) raporê 2018î eşkera kerd. Goreyê raporî 2018 de qetilkerdişê cinîyan zêdîyayo.

Goreyê Raporê KCDPyî 2018 de 440 cinîyî hetê camêrdan ra ameyî qetilkerdene 317 cinîyan rê zî şideto cinsî ame kerdene. Nê cinîyan ra 105 tenî rîyê waştişê xo ser qerargirewtiş û 16ê înan zî waştişê verdayîşî ra ameyî qetilkerdene. Qetilkerdişan ra 131ê înan sey mergê şikkerdeyî û 134 zî nêameyî tesbîtkerdene.

Rapor de ame vatene ke 2018 de 217 xeberê îstîsmarê domanan çapemenî de ca girewt û 26 domanî ameyî qetilkerdene. 11ê înan hetê pîyanê xo ra ameyî kiştene. Camêrdan 6 domanî bi maya înan pîya qetil kerdî.

Rapor de vera şidetî bale ancîya xoverdayîşê cinîyan ser zî û ame vatene ke cinîyan serra 2018 de zî rixmê heme hêrişan mucadeleyê xo gird kerd û vera neheqîye û hêrişan bêveng nêmendî.