Gerîlayanê YJA-STARî tecrîdê serê Rayberê Şarê Kurdî Abdullah Ocalanî, şerê Kurdistanî û do gerîlayî 2019 de şerêkê senênî bikerê ser o ANFyî rê qisey kerd.

Gerîlaya YJA-STARî Jîyanda vat: "Tirkîya û Kurdistan de ke nika binê hukmê faşîzmê AKP-Erdoganî de yê bêhûqîyêka pîle esta. Şexsê Rayber Apoyî de wazenê ke îradeyê heme şaran bişiknê û teslîm bigîrê."

'MA SEBA RAYBERÎYA XO ŞER KENÊ'

Gerîla Dêrsime zî vat: "Mucadeleyê azadîya şarê Kurdî û weşî û azadîya Rayberîye mucadeleyê têzere de yê. Ma nînan yewbînan ra cîya nêkenê. Ma do mucadeleyê seba asayîş û azadîya Rayberîya xo bêvindertiş bidomnê."

Gerîlayêka bîne ya YJA-STARî Delîla zî bale ante ke hêrişê îşxalî yê dewleta Tirkî yê serê herêmanê Rojava, Şengal, Xakûrkê û Bradostî dewam kenê û wina qisey kerd: "Hemverê Rayber Apoyî de tecrîdo girankerde esto. Bi nê hawayî vanê belkî hemverê PKKyî de netîce bigîrê. Amacê înan tasfîyeyê PKKyî yo. Ma sey gerîlayê YJA-STARî vanê şima do nêeşkê vernîya rayraşîyayîşê serkewtişî yê PKkyî bigîrê." 

HÊZANÊ KOMPLOKARAN VAT BELKÎ Ê DO BI PKKYÎ ÇOK BIDÊ RONAYENE

Gerîla Gulane komploya mîyanneteweyîye ya 15ê Sibate 1999î arde vîrî û wina vat: "Netîceyê nê de 19ê Temmuze de şorişê Rojava vejîya meydan. Hêzê komplokarî cayê destpêkê komplo de Rojava de ameyî binfînayene. Rayber Apo yew dilope bi nika bîyo derya. Heme şaran rê rayîr ramot."

Gerîlaya YJA-STARî Evrîme zî vat: "Toximê umîd û azadîye yê ke hetê Rayber Apoyî ra ameyê karitene ewro bîyê zergûn û kok girewtê. Komplokarî wextêko derg o ke hemverê Rayber Apoyî de tecrîdê girankerdeyî bica anê. Ma sey şar û têgêrayîş tecrîd qebûl nêkerd, ma do nêkerê. Serra 2019 de ma do tecrîd bişiknê, faşîzmî birijnê, Kurdistan û Rayber Apoyî azad bikerê."