Alman Olrîka qey bîye Besê?

Olrîka ya 23 serrî almanêka. Unîversîte de PKK şinasna, vera sîstemî sey alternatîfêk dî û verê xo da Rojawan. Dima ra zî resayî koyan û hinî gerîlaya YJA STARî Besê Olrîka ya.

Kadrajê raywanîya ma de na rey gerîlayêka enternasyonalîste Alman Olrîka esta.

ÎDEOLOJÎYA CINÎYA AZADE

Olrîka ya ke 1995 de Almanya de ameya dinya, verê unîversîte vera sîtemî vejîyayêne û rolo ke sîtem cinî rê fasilneno persayêne. Pêkewtişê aye estbî la cigêrayîşê xo rê cevab nêdîyêne. Unîversîte de  PKK û Ocalan şinasnayî.  Tewr zaf zî îdelolîya cinîya azade eleqeya aye ante. Olrîka vînena ke mucadeleyê azadîye yê Kurdan heman wextî de mucadeleyê heme şaranê bindestan û merdimîye yo û qerar gena. Hinî cayê aye safê gerîlayan o.

CUYEYA HEMPARE MUMKUN A

 

Olrîka ke  hêvêr verê xo dana Rojawanî nê pare kerdî: ‘‘Mi Rojawan de şaro ke bi îmkananê xo linganê xo ser vindeno dî. Cinîya azade ke birêxistin têgêrana û payra ya mi dî. Mi dî ke vera sîtemê kapitalîstî komun û kooperatîfê şarî xîyal nêyî û şarî yewbînan de pare kenî. Mi dî ke cuyeya hempare mumkun a.‘‘

NIKA WEXTÊ KOYAN O

Olrîka ke bado verê xo dayo koyanê Kurdistanî û nika gerîlaya YJA STARÎ Besê Olrîka ya wina vana: ‘‘Wexto ke ez newe ameya tîya  senî ke ez newe ra bêrî dinya. Cuyeyêka neweye û na cuye de hemrayanê raştîyan rê ez heryan menda.

OCALAN XITABÊ HEME KOMELAN KENO

Fizîkî çew Rayberîya ra dûrî bi zî bi ruh û fîkîr ma ey ra nêzdîyê. Rayberîye tena şarê Kurdî nê heme komelan ser o fikîryeno.  Heme bindestan rê rayberîye keno.‘‘

CINÎ BI ÎRADEYA XO ESTA

Olrîka  vat ke aye azadîyeya raşte koyanê Kurdistanî û safanê PKKyî dîya û veng da heme cinîyan û waşt ke koyanê Kurdistanî rê wayîr bivejî û qiseykerdişê xo wina qedîna: ‘‘Tiya de cinîyî bi îradeya xo ya cewherî cuyeyêk manenî û pawitişê na cuye gênî xo ser.  Ez sey cinîyêk, enternasyolîtêk û şervanêk zaf şa ya ke mi mehneyê emegî yo raşt şinasna. Nê koyî zaf rindî heyecan danî.‘‘

Dimayê terraqeya ma ya ke  bi kudkî ke gerîlaya enternasyonalîst Besê Olrîka koyanê Kurdistanî de musaya, ma patîkayan de  raywanîya xo rê dewam kenî…