Armance Goşkar (Suna Kizilkaya) rojnuşteyê xo de wina nuştbi ke eke heskerdiş û hêrs nêbê merdimî nêeşkenê bibê şorişgêr.

Armance rojnuşteyê xo de wina qala hîkayeya xo kena: ''Ez serra 1975î de Gimgim de dadîya xo ra bîya. Mi lîse Mersîn de û zanîngeh zî Samsun de wend. Mi lîse de raştîya kurdan û Kurdîstanî û têgêrayîşê PKKyî şinasnayî. Ez bi taybetî binê tesîrê gerîlayan ê cinîyan de menda. Gerîlayê cinîyî zaf weşê mi şîyêne. Coka ez tewra PKKyî bîya.''

Armance dima Sûrîye de perwerdeyê gerîlatîye vînena. Armance wefaya xo ya seba Rayberê Şarê Kurdî Abdullah Ocalanî wina ana ziwan: ''Tewir û nêzdîbîyayîşê Rayberîye yê bi cinîyan mi rê tesîr kerdêne. Warê Rayberîye ma reya vêren mesele û nîqaşan reyde têrî bîyî. Mi uca de Rayberîye nêzdî ra şinasnaye. Mi dî ke Rayberîye seba milîtanan yena çi mana.''

Armance perwerde ra dima yena welat û gerîlatîye ra heta fermandarîye Zagrosan ra heta pêro Botanî  xeylêk cayan de zaf wezîfeyan ana ca. Armance tim wazena sey Sara û Kemal şer bikera û sey nînan aye zî tim vateyê xo raşta raşt vatêne.

Armance nuşteyêkê xo de wina vana: ''Seba ke hîşmendîya koledarîye ra xo dûrî bifîna ganî ez zêdêr xîret bikera. Sey milîtanêk xorinbîyayîş pratîzekerdişê paradîgmaya Rayberîye pê derbazkerdişê hîşmendîya camêrdan û koledarîya cinîyan beno. Merdimî mi rê ge ge vanê 'Ti şona Botan xelisnena.' Ez vana nê ez şina ruhê xo xelisnena. ''

Armance erdê Botanî de eşq û şerê xo kerd destan û bîye şahîda bi hezaran xoverdayîşî. Seke pêro embaz û hemrayanê ci vat a bîye manîfestoyêkê şerî. Aye hîkayeya xo ya destanî nuşte.