Vervatoxa Komîsyonê Huqûqî û Heqanê Merdiman yê HDPyî Ayşe Acar Başarane bi wesîleya serrgêra Qirkerdişê 19ê Kanûne eşkerayîyeka nuştekîye daye.

Eşkerayîye de ca dîya nînan:

‘‘18 serrî cuwa ver 20ê Teşrîna verêne de bi seyan tepişteyî semedê protestokerdişê sîstemê zînandan ê Tîpê Fyî kewtî grevê vêşanîye û qismekê nînan roja 45 ra dima dest bi rojeyê mergî kerdbi.

30 TENÎ QETIL KERDÎ

19ê Kanûne de bi hawayêkê hemwextî zîndanan rê operasyonî ameyî viraştene. Operasyonan de sîlehê giranî û madeyê kîmyayî ameyî şuxulnayene. Binê nameyê ‘agêrayîşê cuye‘ de xoverdayaxonê zîndanan rê hêriş ame kerdene. Hêrişo ke hetê bi seyan cendirme, polîs, gardîyan û kontrayan ra ame viraştene de 30 tenî ameyî qetilkerdene.

Qirkerdişê 19ê Kanûne tena marîfetê hukmatê dewrî nêbi. Medyaya tirkî zî bi xeberanê zûran paştî da operasyonî. Ê ke nê qirkerdişî de rolê înan esto, lîsteyê şermî de cayê xo girewtê.

18 SERRÎ VÊRTÎ LA ÎŞKENCE DEWAM KENO

Qirkerdişê 19ê Kanûne ra heta roja ma 18 serrî ravêrtî la hepsîyan ser o îşkence dewam keno.’’