Fermandaranê Qerargehê Merkezî yê YJA-Starî ra Gulîstane Gulhat serrgêra 30. ya şehadetê ci de gerîlaya ARGKyî Bêrîtane (Gulnaze Karataş) yad kerde û serra 30. ya artêşbîyayîşê cinîyan fîraz kerde. 

Fermandara Gulîstane Gulhat vat: ''Şehîde Bêrîtane dêrsimij bîye û sîstemê perwerdeyê tirkan dî. Rixmê ney zî aye kurdayetîya xo û raştîya dişmenî şinasnaye. Dima ke aye fikrê Rayber Apoyî şinasnayî verê xo koyan û bîye gerîla. Şehîde Bêrîtane artêşbîyayîşê cinîyan de rolêko pîl kay kerd, bîye bingeyêkê artêşbîyayîşê cinîyan.

Serranê 1992yan de vera têgêrayîşî xeta tasfîye-xayînîye est bîye. Şehîde Bêrîtane bi çalakîya xo vera na xete xo verda. aye heta peynî vera xayînan û artêşa tirke şer kerd, embazê xo xelisnayî û dima çeka xo şikite xo kendalêkî ra eşt war. Nê tewirê aye pêro cinîyan rê tesîr kerd û bi mîsal. Embaze Bêrîtane seba xeta azadîya cinîyan û cinîyan ê serkêşan bîye nîsbetêk.  Embaze Azîme zî a teqîb kerde. Artêşbîyayîşê cinîyan seba zaf cinîyan ê enternasyonalîstan zî bi roşnî. Xora artêşbîyayîşê cinîyan bi keda Rayber Apoyî resaye na aste. Ey hem rayîr û metodê artêşbîyayîşî mojna ma hem zî ê prosesî de hetê ma de bi. 

Artêşbîyayîşê cinîyan gan û ruh da şarê kurdî. Artêşbîyayîşê cinîyan û hêzê YJA-Starî yew îradeyî temsîl kenê ke dormeyê heman armancî de ameyê pêser. 6 serrî yo Kurdîstan de şerêko giran yeno kerdene û rixmê nê hêrişan zî ê pê gerîlayan nêeşkayî. Ma sey gerîlayanê YJA-starî rêçê Bêrîtane, Zîlane, Mazlûm û Egîdan de şer kenê. Bêrîtane xoverdayîş, Zîlane fedayîtîye, Sara zî komelbîyayîş û têkoşîn musnayî ma. Ma sey YJA-Starî soz danê ke rêçê şehîdan de şorê.''