Cinîyanê Kurdan ra Guvene rê mektube
Bajaranê Bordeaux û Toulouse yê Fransa de cinîyanê Kurdan Leyla Guvene ya ke 45 rojî yo çalakîya grevê vêşanîye ya bêdem-bêagêrayîşî de ya ci rê karte erşawit.
Hemsereka KCDyî û parlamentera HDPyî ya Colemêrgî Leyla Güvene semedê wedartişê tecrîdê serê Rayberê Şarê Kurdî Abdullah Ocalanî 45 rojî yo grevê vêşanîye ya bêdem-bêagêrayîşî de ya. Semedê Leyla Güvene çalakîyê paştîdayîşî dewam kenî.
Bajarê Bordeauxî yê Fransa de Komûnê Cinîyan ê Avesta Xabûrî û Komîsyonê Cinîyan ê Toulouse Guvene rê karte erşawit û çalakîya Gevene rê wahyîr vejîyayî. Cinîyan grevê vêşanîye yê bêdem-bêagêrayîşî yê Strasbourgî zî silam kerd û vat ke do çalakîyê paştîdayîşî yê înan dewam bikerî.
