Reqa de cinîyî bi polîtîkaya nîjadperestî ya Sûrîye û zîhnîyetê nêrîyî, komel de tim gamêk apey bî û çinî ameyêne hesibnayene. Hetê çeteyanê DAIŞî ra dagîrkerdişê Reqa ra dima, meseleyê komelkî zêdîyayî û bajar seba cinîyan bi cehenem.

‘CINÎYÎ HER CAYÊ CUYA DE CA GÊNÊ’

Wexto ke rayberîya QSDyî de Reqa ameye azad kerdene, cinîyan bi têkoşînî ver bi azadîye gamê girdî eştî. Cinîyan meclîs û komîteyanê bajarî de ca girewt û bi xorexistinkerdişî bîyî hêzê rayberî yê komelî. Cinîyan xoverdayîşê bajarî de xeylê dezge, meclîs û komunê cinîyan akerdî. Cinîyî xebatanê şaredarîye de zî cayê xo gene û seba awankerdişê komelêkê demokratîke rayberîye kenî. Cinîyî ekîbê zabita yê şaredarîya şarî de zî estî.

‘XOVERDAYÎŞÊ CINÎYAN ASTENGÎYAN NÊŞINASNENO‘

Hemsereka Komîteya Zabita Seher El-Eîye dîyar kerde ke cinîyî bi xoverdayîşî bîyî xoser û her roje aver şonî. El-Eîye va: "Cînîyan xeylê nizdîbîyayîşê xeletî şikitî û sermîyanîya xo ya komelkî zaf hole anê ca.”

Endama Komîteya Zabita Henen El-Hemûde zî arde vîr ke cinîyan qeydeyê urf û edetê komelî ra zaf dejî antî û wina domnaye: “Bi azadbîyayîşê Reqa ya pîya cînîyî zî komel de azade bîyî û rolêko tarîxî kay kerdê.”