Endamê Meclîsê Dayîkan ê Haştîye û merdimanê girewteyan derheqê tecrîdê serê Rayberê Şarê Kurdî Abdullah Ocalanî û grevê vêşanîye de Beşê ÎHD’yî yê Amedî de eşkerayîye daye.

Endama Meclîsê Dayîkan ê Haştîye Raîfe Ozbeye reaksîyon da bêvengîya vera grevê vêşanîye û vat, “7 hezar kesî bi mengan ê grevê vêşanîye de yê, berê merdişî de yê. Hepisxaneyan ra cenazeya 7 kesan vejîyayî. Êdî bes o! Ganî waştişê nê çalakwanan bêrê qebûlkerdene. Ma vengdayîş bi kesanê wayîrê wijdanî kenê. Ma êdî nêeşkenê çîyêk biwerê û bişimê. Ma vanê wa no qîrayîş bêro heşnayene. Kezeba ma veşena. Tek waştişêkê nê domanê ma esto, o zî wedaritişê tecrîdî yo. Tecrîd sûcêkê merdimî yo. Ganî tecrîd bêro wedaritene.”

Kûdret Eryilmaze zî vengdayîş bi heme kesan kerd û vat, “Seba ke hepisxaneyan ra cenzayî nêvejîyê, ganî her kes wezîfeyê xo bîyaro ca. Wa kezaba tu kesî nêveşo, ganî tecrîd bêro wedaritene.”