Koyanê Kurdistanî de wextê dergî ra dima reywanîya ma reyna dest pêkerd. Nê rojanê verînan ê zimistanî de xoza ya Kurdistanî ya biheybetî de ma rêçê qicanê qehremanan ê Kurdistanî teqîp kenî û vîrameyîşê înan goşdarî kenî.

YEWE QAMIŞLO RA A BÎNE NISÊBÎN RA

Gerîlaya YJA STARî Dîrok Cûdî ya ke serra 2015î de waya ci Mêrdîn ra tewrê PKKyî bîya û dima ra a zî Qamişlo ra tewrê ci bîya, sere de bale ancena keyeyê aye senî mabênê di leteyanê Kurdistanî de mendo. Endamê hemen keyeyî ra tayî Qamişlo tayî zî Nisêbîn de yê û wina vana: ‘‘Xalanê mi serranê qican de waya mi berdê cayê xo. Sinorî ke Kurdistan de ameyî xezkerdene nêverdayêne ma yewbînan bivînê. Heman herre de cîyabîyayîş zaf dej o.‘‘

WAYA MI NÊ SINORÎ NAS NÊKERDE

 Cûdî vat ke waya mi seba ke nê sinoran binate ra wedare serra 2015 de tewrê safanê PKKyî bîye û ez bi naye biya sereberz û best pa: ‘‘ Mi waşt ke ez rayîrê aye de şirî û aye dir bêrî têhet. Ez tewrê safanê YPJyî bîya. Nizdê di serran  Rojawan de menda. Serra 2017î de seba ke ez biresî viranê xo tewrê gerîlayî bîya.‘‘

 HÎSÊKO  BIZEHMET YENO QALKERDENE

Dîrok Cûdî ya ke serrêko sey gerîlaya YJA STARî koyanê Kurdistanî de ya heman keyeyî ra pîya heman pêkewtişan de ca girewtiş sey hîsêko cîya name kena û vana ke sey mi tîya de xeylî embazakê heman keyeyî ra tewr bîyî estî. Hemverê dişmenî de bi waya xo pîya pêkewtene hîsêko zehmet o, çew nêeşkeno bîyaro ziwan.‘‘

DEMÊKO GIRAN Û ÇETIN

Dîrok Cûdî vist vîrî ke Kurdî demêko zehmet ra ravêrene û wina qedîna: ‘‘Hetêk ra serê Rayberîya ma de tecrîd yeno girankerdene, hetêk ra zî vera şarê ma hêrişê giran benî. Şarê ma yeno qetilkerdene û koyê ma yenî vêşnayene. Demo wînayên de bêvengmediş nêben. Vera topyekûn hêrişan ganî topyekûn tewrbîyayîşî bibî. Rayîrê azadîye Kurdistan ra ravêreno.‘‘

Ma seba gerîlayanê bînan goşdarîkerdiş rayîrê xo rê dewam kenî..